مقادير اجنحة الدجاج
_ كيلو أجنحه دجاج
_ كوباية عصير لمون
_ صلصة طماطم
_ كوباية صويا صوص
_ معلقيتين صغيرين توم مفروم
_ معلقه صغيره ملح
_ معلقه صغيره فلفل اسود
_ معلقه صغيره بابريكا
وممكن نحط شطه ده على حسب الرغبه
وزيت عشان نقلي فيه
للغطاء الخارجي هنحتاج
_ 2 بيضه مخفوقه
_ ربع كوباية لبن
_ كوباية دقيق
_ نص كوباية نشا
_ رشة فلفل اسود
يلا بينا نشوف الطريقه
_ اول حاجه هنغسل الاجنحه كويس وهننقعها فى مايه عليها ملح وخل
_ وبعد كدا هنحط عصير اللمون فى طبق وهنضيف عليه الصويا صوص والتوم وصلصة الطماطم ونخلطهم مع بعض كويس
_ هنتبل الخليط بالملح والفلفل الاسود والبابريكا ونخلطهم مره كمان
_ هندعك الفراغ فى التتبيلة ونسيبها فيها لمدة لا تقل عن 5 ساعات
_ هنحط البيض فى بوله وهنضيف عليها اللبن والفلفل الاسود
_ هنحط الدقيق فى طبق ونضيف عليه النشا ونخلطهم كويس
_ هنغمس قطع الفراخ فى خليط اللبن وبعد كدا فى خليط الدقيق
_ هنحط زيت كتير فى الطاسه على النار ونقلى قطع الاجنحه فى الزيت ونقليها من جميع الجوانب لحد ما لونها يكون دهبى
_ نطلعها ونحطها على ورق مطبخ عشان يمتص الزيت وبألف هنا يا قمر.